Kawkabet Fann
Lyrics
كوكبة فنّ العاصمة المسميّةيوم إربعا توَفّات عُقب عشيّة
خبرها لفانا
توَفّات نِجم الحاضرة الفنّانة
في إفريقيا متسمّية فلانة
بنغمة جميلة بارعة فنّية
يوم إربعا توفّات عقب عشيّة
*********
*********
بنغمة مليحة
في فنّ تونس والعة صليحة
تغنّي على أم الحسن فصيحة
بالاخص مهما أغنية بدويّة
يوم إربعا توفّات عقب عشيّة
*********
*********
شغبت بالي
جوهرة تونس نزهة الأهالي
اذا تغنّي من فراق غزالي
في لحنها ترجع طرابلسيّة
يوم إربعا توفّات عقب عشيّة
********
********
يا سعفايا
حتّى من المحزوز حاز ثرايا
اذا تغنّي ريت زوز صبايا
تطبع على المزموم نغمة ذكيّة
يوم إربعا توفّات عقب عشيّة
*********
*********
نغمة جميلة
حتى المسدّس لحنت آ ويلا
بنت النجوع مأصّلين دويلا
تأسّف الشعب كي حضرت المنيّة
يوم إربعا توفّات عقب عشيّة
*********
*********
خبر قالولي
بعد الثمنية سمعتها إصغولي
يا خيول سالم باش روّحتولي
الله أكبر نسمع بوذنيّا
يوم إربعا توفّات عقب عشيّة
Artists